Rregullat e Reja të Bankës së Shqipërisë për Kreditë e Banesave
Si Ndryshon Blerja e Shtëpisë nga 1 Korriku 2025
Me hyrjen në fuqi të rregullave të reja të kredidhënies që nga 1 korriku 2025, Banka e Shqipërisë synon të forcojë stabilitetin financiar dhe të ulë ekspozimin ndaj rreziqeve në sektorin e pasurive të paluajtshme. Në këtë artikull do të shpjegojmë qartë kufijtë e rinj, përjashtimet, dhe çfarë duhet të dini përpara se të aplikoni për një kredi për blerjen e banesës.
Pyetje & Përgjigje: Çfarë duhet të dish?
Për cilat lloj banesash vlejnë rregullat e reja?
Rregullat vlejnë për:
- Blerjen e shtëpisë së parë
- Blerjen e shtëpisë së dytë ose më shumë
- Kredi në lekë dhe në valutë
Sa është kufiri maksimal i kredisë (LTV)?
| Lloji i banesës | Kredi në Lekë | Kredi në valutë |
|---|---|---|
| Banesë e parë | 85% e vlerës | 75% e vlerës |
| Banesë e dytë | 80% | 70% |
Shëmbull praktik:
Po të blesh një shtëpi me vlerë 10 milionë lekë:
- Si shtëpi e parë, mund të marrësh deri në 8.5 milionë lekë kredi në lekë
- Si shtëpi e dytë në valutë, maksimumi 7 milionë lekë (në vlerë të konvertuar)
Sa mund të zërë kësti mujor nga të ardhurat? (DSTI)
Banka do të analizojë përqindjen që kësti mujor përbën ndaj të ardhurave tuaja mujore:
- Kredi në lekë: 40% për shtëpinë e parë, 35% për të dytën
- Kredi në valutë: 35% për shtëpinë e parë, 30% për të dytën
Sa është afati maksimal i shlyerjes?
Afati maksimal është 30 vjet, por nuk mund të kalojë moshën e daljes në pension të aplikuesit.
A ka përjashtime nga këto rregulla?
Po, por vetëm për 15% të totalit të kredive të reja çdo tremujor. Përjashtimet vlejnë për:
- Familje me status social të veçantë
- Blerje banesash me efikasitet të lartë energjetik
Si të përgatitesh për të aplikuar për kredi?
- Harto një analizë të saktë të të ardhurave dhe shpenzimeve
- Zgjidh monedhën e kredisë sipas monedhës së të ardhurave tuaja
- Siguro një kapar minimal prej 15-30% të vlerës së banesës
- Diskuto me bankën për ofertat e përshtatshme për ty
Sygjerime!
- Kalkulator kredie: llogarit automatikisht shumën që mund të marrësh bazuar në të ardhurat dhe vlerën e banesës
- Simulim i këstit mujor: kupto sa do paguash çdo muaj për kreditë në lekë apo valutë
- Zgjedhje pronash sipas buxhetit: filtro njoftimet në bazë të mundësive reale
#KrediShtepie #BankaShqiperise #PostimeAl #Kredi2025 #BanesaPare #BanesaDyte #KrediLek #KrediValute
Mirë se vini!
